Уул уурхайн салбарын төвийн бүсийн чуулган болж байна

Хамаарах огноо: 2017-05-17 12:58

Уул уурхайн салбарын 95 жилийн ойн хүрээнд зохион байгуулж буй Төвийн бүсийн чуулган Орхон аймгийн Эрдэнэт хотод болж байна.

Чуулганд Дархан-Уул, Орхон, Сэлэнгэ, Хөвсгөл, Булган, Төв, Архангай, Өвөрхангай аймгуудын удирдлага, төлөөлөгчид, уурхайчид, эрдэмтэн судлаачид, иргэний нийгмийн болон аж ахуйн нэгж, байгууллагын төлөөлөл, БОАЖЯ, ЭХЯ, ҮТЕГ, МХЕГ-ын холбогдох албаны хүмүүс оролцов.  “Уул уурхайн салбарын эрхзүйн орчин”, “Хүнд үйлдвэрийн хөгжлийн гарц”, “Уул уурхай салбар ба орон нутгийн хамтын ажиллагаа” сэдвүүдээр хэлэлцүүлэг өрнөж, чуулганд оролцсон 400 орчим төлөөлөгчийн санал, санаачилгыг нэгтгэн зөвлөмж гаргалаа.


Уул уурхай, хүнд үйлдвэрийн яам, Ашигт малтмал, газрын тосны газар, “Эрдэнэт үйлдвэр” ХХК хамтран зохион байгуулж буй тус чуулганд УИХ-ын гишүүн Д.Дамба-Очир, Г.Тэмүүлэн, А.Ундраа, Н.Ариунзаяа, Б.Саранчимэг нар оролцож, “Хариуцлагатай уул уурхайг дэмжих лобби бүлэг” байгуулснаа танилцуулж, салбарын бодлого, эрхзүйн орчин, тулгамдсан асуудлыг шийдвэрлэхэд улс төржилтгүй, шинжлэх ухаанчаар хандахаа илэрхийллээ. Түүнчлэн УИХ-ын гишүүн Д.Дамба-Очир "Уул уурхайн салбарын цаашдын хөгжлийн чиг хандлага" сэдвээр илтгэл тавьлаа. 



Үүсгэсэн: 2017-05-23 12:58

Сэтгэгдэл ачааллаж байна ..

Мэдээллийг ачааллаж байна ..